Weens onderprestasie is sommige gedeeltes van die toelae weerhou, terwyl inwoners kla oor trae dienslewering wat betref water en elektrisiteit.

Die Munisipale Infrastruktuurtoekenning, Waterdienste-infrastruktuurtoekenning en Geïntegreerde Nasionale Elektrifiseringsprogram was veronderstel om die munisipaliteit te help om infrastruktuur- en diensleweringsuitdagings die hoof te bied.

'n Inwoner sê volgens die SAUK dat “transformators nou en dan beskadig word – ons weet nie hoekom nie. Ons kry nie betyds water nie, daarom bad ons nie.”

"As die geld teruggaan, hoe lank gaan ons weer sit en wag vir nog 'n bedrag geld wat die oplossings sou befonds?" vra 'n ander inwoner.

"Die vertraging is veroorsaak deur 'n aantal faktore, waarvan een interne uitdagings in die munisipaliteit was, soos die hoë personeelomset en die meeste van die bestuurders is geskors. Sommige van hulle is laat gaan. Gevolglik kon die komitees nie vergader om projekte te beoordeel nie.”

OFM-nuus