Soos algemeen verwag het die Reserwebank die repokoers onveranderd op 8,25% gehou, wat beteken die prima uitleenkoers van plaaslike handelsbanke bly ook onveranderd op 11,75%.

Suren Naidoo van Moneyweb berig Lesetja Kganyago, president van die Reserwebank, het die besluit aangekondig ná die monetêrebeleidskomitee se vergadering Woensdag (27/3).

“Dit is vyfde opeenvolgende maand dat die Reserwbank die repokoers onveranderd hou.” 

[BREAKING NEWS] The SA Reserve Bank keeps the #RepoRate unchanged at 8.5%. The prime rate remains at 11.75%.

Tune into #Newzroom405 for more details. pic.twitter.com/d66UibUAU8

— Newzroom Afrika (@Newzroom405) March 27, 2024

Die inflasiekoers het verlede maand tot die hoogste in vier maande gestyg, wat die mark ietwat verras het en verwagtinge vir ’n koersverlaging tot in die tweede helfte van 2024 uitgestel het.

Hoewel die meeste ekonome ’n onveranderde repokoers verwag het selfs voordat die Februarie-inflasiekoers verlede week bekend gemaak is, was daar tog diegene wat ’n koersverlaging voorspel het.

Die jongste verbruikersprysindeks het egter die verwagtinge vir ’n verlaging in die eerste helfte van die jaar belemmer; die vroegste verlaging word nou in Julie verwag.

????The #SARB #MPC unanimously decided to maintain its key repo rate at 8.25% on March 27th, 2024, marking the fifth consecutive meeting at 2009-highs, as expected. Policymakers highlighted that, on balance, risks to the inflation outlook were skewed to the upside. pic.twitter.com/A0gsFBcE5D

— Thabo Ramakgwakgwa (@Jiggy_Tee98) March 27, 2024

Sommige ekonome het die begin van ’n siklus van rentekoersverlagings tot selfs September of November uitgestel.

Die repokoers word deur die Reserwebank se monetêrebeleidskomitee vasgestel en is die koers waarteen hy geld aan die land se handelsbanke leen. Die Reserwebank pas hierdie koers aan om inflasie binne sy 3%-tot-6%-teikenband te hou.

OFM Nuus/Moneyweb cg/dg