Babbelgum vir die Siel
Karamelkondensmelk-kaaskoek─── 08:25 Sat, 28 Mar 2015
Deur Arina Du Plessis
Kors:
2 x 200g pakkies klapperkoekies
160 ml gesmelte botter
Vulsel:
2 x 230g houers roomkaas
250ml suurroom
1 x 397 g blik kondensmelk
100 ml suurlemoensap
4 eiers, geklits
1/2 blik (190 g) karamelkondensmelk
3 blokkies (sowat 40g) karamelfudge
Metode:
Voorverhit oond tot 160°C en smeer ’n losboomkoekpan van 26 cm met botter. Verwerk die klapperkoekies in ’n voedselverwerker tot fyn en voeg die gesmelte botter by. Druk die krummelmengsel op die boom en teen die kante van die koekpan vas. Klits die roomkaas, suurroom, kondensmelk en suurlemoensap saam tot glad. Voeg die eiers by en klits deur. Bedek en verkoel vir minstens ’n uur. Giet die mengsel versigtig in voorbereide krummelkors. Skep teelepels vol van die karamelkondensmelk in die kaaskoekmengsel en maak seker jy versprei dit egalig. Krummel die fudge fyn en sprinkel oor die kaaskoekmengsel. Bak vir een uur tot ferm.
Bron: http://landbou.com
