Arts
Vrystaat Kunstefees – Bekroonde produksie “Die Stoele” vanjaar ’n moet-sien─── 09:00 Tue, 25 Jun 2024
Die Stoele, Eugène Ionesco se klassieke tragi-klug, onder regie van Marthinus Basson, is met drie Kannas bekroon tydens die KKNK. Hy sluit by Yolanda aan in die OFM Kunsteklop.
“Die Stoele”, Eugène Ionesco se klassieke tragi-klug, onder regie van Marthinus Basson, is met drie Kannas bekroon tydens die KKNK. Hy sluit by Yolanda aan in die OFM Kunsteklop.
Twee oumense is opgewonde en in afwagting op hul groot aand wanneer die ouman sy lewensfilosofie, waaraan hy 93 jaar lank poets, op genooides gaan loslaat. ’n Toestroming van gaste uit alle sfere van die samelewing, insluitend die president, maak hul opwagting by die vuurtoringhuis op ’n afgesonderde eiland. Om almal te akkommodeer, verg stoele en nogmaals stoele. Maar die gaste is onsigbaar. En die ouman kan nie self sy boodskap oordra nie. So, hy het iemand gekry om namens hom te praat.
Dié debuutwerk is aangewys as beste toneelaanbieding by vanjaar se KKNK, met Chris van Niekerk en Antoinette Kellermann, wat onderskeidelik as beste manlike en vroulike speler in ’n hoofrol vir hulle vertolking in die stuk bekroon is.
KKNK 2024 Kannas Antoinette Kellermann. Foto: ©Natalie Gabriels Photography
KKNK 2024 Kannas Chris van Niekerk. Foto: ©Natalie Gabriels Photography
Die Stoele
Genre: Tragikomedie
Rolverdeling: Antoinette Kellermann, Chris van Niekerk, Lindokuhle Melaphi
Regisseur: Marthinus Basson
Oorspronklike teks: Eugène Ionesco
Vertaalde teks: Nerina Ferreira
Ontwerp: Marthinus Basson
Musiek: Franco Prinsloo
Verhoogbestuurder en beligtingsontwerp: Nicolaas de Jongh
Assistentverhoogbestuurder: Jean du Plessis
Ontwikkelingsfondsborg: KKNK-produksie, ondersteun deur die Vrystaat Kunstefees en Momentum Beleggings Aardklop, moontlik gemaak deur NATi
Kaartjieprys: R180 vooraf, R200 by die deur
Kaartjies: https://www.webtickets.co.za/v2/Event.aspx?itemid=1546057706
Datums en Tye: 2 Julie 19:00, 3 Julie 09:00, 4 Julie 14:00, 5 Julie 19:30
Lokaal: ATKV Wynand Mouton-teater