OFM-nuus se Christal-Lize Muller het met die voorsitter van landelike veiligheid by Agri SA se Sentrum van  Uitnemendheid, Tommie Esterhuyse, gepraat oor dié bekendstelling en wat dit vir die landboubedryf beteken. 

Esterhuyse, wat ook die vise-president van Vrystaat Landbou (VL) en die voormalige voorsitter van dié organisasie se landelike veiligheidskomitee is, gee ook ‘n oorsig oor die misdaadsituasie in die Vrystaat die afgelope feestyd.

Die polisie en georganiseerde landbou het verlede jaar hande gevat om misdaad in landelike gebiede die stryd aan te sê. Agri SA se nasionale Landelike Veiligheidskomitee het met die nasionale polisiekommissaris, Khetlha Sithole, 'n suksesvolle vergadering gehad waarop Sithole aangedui het dat die polisie daarna streef om in 2030 'n veiliger landelike omgewing te skep.

Hy het ook gesê daar moet voortgebou word op die bestaande goeie samewerking tussen betrokkenes. Die portefeuljekomitee oor polisie het die landelike veiligheidsplan hersien en Agri SA en ander betrokkenes het insette gelewer.

Dit was Tommie Esterhuyse, die voorsitter van landelike veiligheid, by Agri SA se Sentrum van Uitnemendheid wat met OFM-nuus se Christal-Lize Muller gepraat het.

Om  na ander insetsels te luister gaan na ofm.co.za, kliek op News, Agriculture en Before Dawn.

OFM-nuus