Afrikaanse musiek lewer ’n beduidende bydra tot die Suid-Afrikaanse musiekbedryf en het die laaste aantal jare ’n oplewing ervaar met verskeie genres wat produseer word. OFM is trots op wat die Afrikaanse musiekbedryf tot dusver bereik het en ondersteun dit graag om nog verdere hoogtes te bereik.
Soos enige ander radiostasie ontvang OFM daagliks snitte vir oorweging en deel graag hierdie nuwe vrystellings met ons luisteraars.
Hierdie nuwe vrystellings word eerstens Vrydae, 13:00 – 14:00 Suid-Afrikaanse tyd, tydens ’n spesiale program op OFM se Afrikaanse aanlyn musiekstroom, OFM Stasie2 uitgesaai. Luisteraars kan ook op OFM op Sondae, 19:00 – 20:00, op hierdie lekker luister uur inskakel.
Die vrystellings wat vandeesmaand blootstelling geniet, sluit in:
- CHRISTOPHER SNOW - BIETJIE LUCK
- LISIE BASSON - DIS JOU Oë
- GLASKAS - AS EK WEET
- JUANITA DU PLESSIS - OULIK VERBY
- RAAF - OM EN OM
- IRENE-LOUISE VAN WYK & BOBBY VAN JAARSVELD - SHUT UP & SOEN MY
- RAY DYLAN - JESSICA (2025)
- VAN PLETZEN & SPOEGWOLF - EK KYK NA JOU
- JAKO MEYER – ‘n MAN EN 'n BERG
- TAMLYN WESSELS - MOOIER AS MENS
- GERHARD STEYN & LOUFI - NAWEEK MY NOU
- VENTER - DEUR DIE WINTERS
“Nuut in Afrikaans” word moontlik gemaak deur OFM Stasie2 – luister 100% Afrikaanse musiek, 24-7, gratis, aanlyn.
