South Africa
Robbie Wessels trou in die geheim─── 10:48 Sat, 02 Feb 2019
Foto: Facebook
Die gewilde Afrikaanse sanger en grapjas, Robbie Wessels, is byna sewe maande gelede in die geheim met sy jare lange vriendin, Lenice Labuschagne, getroud.
Wessels het die geheim tydens 'n onderhoud met radio-omroeper, Riaan van Heerden, verklap nadat Van Heerden gevra het of vanjaar die jaar sal wees waarin Wessels die jawoord sal vra. Wessels het vertel dat hy en Labuschagne in Julie verlede jaar in die KwaZulu-Natalse Middelande getroud is. Wessels sê in die onderhoud hy het gewag vir die regte oomblik om die aap uit die mou te laat, en hy sê hy wou dit onder die radar gedoen het. Wessels sê hy wou sy troudag privaat gehou het.
Jacaranda FM/Maroela Media
