Vakbond eis dat NK-departementshoof ontslaan moet word
16:29 Wed, 26 Feb 2020
Vakbond eis dat NK-departementshoof ontslaan moet word | News Article
Die streeksekretaris van die vakbond Nehawu in die ZF Mgcawu-distrik in die Noord-Kaap, Pindile Rafisha, het vandag gesê hulle gaan die Noord-Kaapse Wetgewer, asook die Departement van Sport, Kuns en Kultuur se kantoor in Kimberley besoek.


Die vakbond sou die premier, Zamani Saul, en die LUR vir sport, Bernice Sinxeve, gaan vra om onmiddellik ontslae te raak van die omstrede hoof van die sport-departement, Ruth Palm, wat vroeër deur die Openbare Beskermer, Busisiwe Mkhwebane, se kantoor by korrupsie van meer as R1 miljoen betrek is. 

Dié geld is na bewering aan 'n maatskappy betaal om 'n fees te reël wat nooit plaasgevind het nie. Rafisa het verder gesê hulle gaan staak totdat gehoor gegee word aan hulle eise, wat 'n terugbetaling van bonusse asook beter werksomstandighede by dié departement insluit.

Verskeie streke, waaronder Pixley Ka Seme, Namakwa en Gamagara sou die staking vandag ondersteun.


OFM-nuus/Roderick Titus


Related Articles:


  Visit the official Covid-19 Portal  More Information
Visit the official Covid-19 Portal
;
Cookies help us deliver our services. By using our site, you agree to our use of cookies. Tell me more