Agri Hour
Meer geld in Namibiese produsente se sakke vir lewende hawe as in Suid-Afrika─── CHRISTAL-LIZE MULLER 05:19 Thu, 26 Mar 2020
‘n Bekende in die veebedryf, Chris Derksen, bespreek weekliks op 'n Donderdag die veilingspryse wat op lewende hawe veilings behaal is.
Hy versprei dié inligting sodat produsente en kopers dieselfde inligting tot hul beskikking het om sodoende ingeligte besluite te neem met die aankoop en verkoop van lewende hawe op veilings. Die Noord-Vrystaat word as 'n indeksgebied gebruik. Hier is Derksen...
Sien onderstaande PODCAST
Dit is interessant om die veilingsprys van lewende hawe in Namibië met die prys in Suid-Afrika te vergelyk. Hy sê in dié buurland ontvang produsente R47 per kg vir alle klasse vee aan die haak, wat baie meer is as die prys vir alle klasse vee in Suid-Afrika. Dit kan toegeskryf word aan Namibië se naspeurbaarheidstelsel, wat dit vir dié land moontlik maak om na Europa uit te voer. Speenkalwers onder 200kg het teen R35,01 per kg verkoop, speenkalwers tussen 200kg en 250kg het teen R31,84 en speenkalwers oor 250kg het teen R28,14 per kg verkoop.
Ander veilingspryse vir beeste:
A-klas beeste - R26,71 per kg
B-klas beeste - R22,02 per kg
Vet koeie - R21,78 per kg
Maer koeie - Tussen R17 en R18 per kg
Slagbulle - R21 per kg
Skape:
Stoorlammers - R32,94 per kg
Slaglammers - R31,67 per kg
Stoorskape - R24,15 per kg
Vetskape - R24,09 per kg
Bokke:
Lammers - R34,79
Bokooie - R27,20
Dit was Chris Derksen, 'n bekende in die veebedryf, met die jongste nuus in die vleisbedryf. Vir meer inligting besoek www.vleisprys.co.za.
OFM-nuus