South Africa
‘Zuma se beskerming voldoende’ – Bheki Cele─── 09:23 Sun, 31 Mar 2024
Die departement van polisie is bewus van eise vir die polisieminister om antwoorde te lewer oor die beskermsdienste van voormalige president Jacob Zuma
Dit, ná ’n voorval waarin ’n man se motor teen die voormalige president se amptelike gepantserde staatsvoertuig gebots het.
’n 51-jarige man is in hegtenis geneem op aanklagte van dronkbestuur en bloedmonsters is geneem vir verdere toetse terwyl die polisieondersoek voortduur.
Die bestuur van die polisiediens het verslag gelewer aan generaal Bheki Cele, minister van polisie, oor Zuma se veiligheidsmaatreëls, waarna Cele bevestig het dat die huidige maatreëls voldoende is en op die vlak is van ander voormalige staatsleiers.
Die department het verder bevestig dat hulle nie die veiligheidsbesonderhede van enige huidige of voormalige staatshoof bekend sal maak nie, ten spyte van oproepe deur die uMkhonto we Sizwe party.
