Catherine, die prinses van Wallis wat alombekend staan as Kate, is Saterdag lof toegeswaai vir haar openhartige en brawe openbaarmaking waarin sy aangekondig het dat kanker by haar gediagnoseer is. 

Dit was slegs weke nadat koning Charles III onthul het dat hy ook in ’n stryd met dié siekte gewikkel is.

A message from Catherine, The Princess of Wales pic.twitter.com/5LQT1qGarK

— The Prince and Princess of Wales (@KensingtonRoyal) March 22, 2024

Die video wat Vrydagaand vrygestel is, laat die Britse monargie in 'n ongekende krisis in moderne tye met twee van sy mees senior lede wat gelyktydig kanker beveg.

William, Kate en hul kinders word gesien as die moderne gesig van die Britse koninklike familie, en die sleutel tot sy toekoms.

Kate is laas op 25 Desember tydens 'n Kersdag-kerkdiens gesien. Op 17 Januarie is aangekondig dat sy twee weke in die hospitaal gaan wees en etlike maande gaan neem om van buikchirurgie te herstel. Die besonderhede van haar toestand is nie bekend gemaak nie, maar daar is gesê dit is nie kankerverwant nie.

We were honoured to host #CANSAShavathon events at @Discovery_SA offices in the main metro cities this week. Such special times when hair donations were made in solidarity with those fighting or loved ones lost due to cancer. We thank you ???? pic.twitter.com/eBFFACCXyO

— CANSA (@CANSA) March 22, 2024

Dié aannames het verander nadat toetse ná die operasie “bevind het dat kanker wel teenwoordig was” en dat sy nou “voorkomende chemoterapie” ondergaan.

“Voorkomende chemoterapie na chirurgie word gegee om die risiko te verminder dat die kanker in die toekoms terugkom,” het Andrew Beggs, ’n senior kliniese genoot en konsultant chirurg aan die Universiteit van Birmingham, aan AFP gesê.

Hy het bygevoeg dit is “ 'n bietjie soos om ’n vloer met bleikmiddel te was as jy iets daarop gemors het”, en genoem dat chemoterapie “enige selle wat gemors is, doodmaak”.

 OFM Nuuscg