Dates: 24 – 29 September 2019
Tickets: Ticket Pro
“Ons is almal vuisvoos, moeggeploeg en vrot-gebombardeer: Dis net korrupsie, swak dienslewering, afgesaagde retoriek, leë verkiesingspropaganda… en slaggate om elke hoek en draai Juis in hierdie klimaat het ons die kunste nodiger as ooit – sodat ons kan saampraat, dink, wonder, bewonder, lag, positief en opbouend saamwees. Dis einste wat Aardklop bied: ’n Geleentheid om die batterye te kom herlaai, saam met vriende en familie. So word deel van die kunsrevolusie, en kom fees vry saam met ons dís mos nou iets om voor te campaign. Viva!” – Alexa Strachan, Aardklop Hoof Uitvoerende Beampte
Die 2018 kykNET Fiësta gewildste fees is terug in Sentraal Suid-Afrika, 24 tot 29 September! Skakel vanaf die Maandag tot Vrydag, 12:00-13:00, in vir ‘Feesflits’ met Shandor Potgieter vir die jongste feesbrokkies.
Dié kunstefees beloof om weereens een van vanjaar se groot hoogtepunte op Sentraal Suid-Afrika se feeskalender te wees met ’n groot verskeidenheid musiek- en teaterproduksies asook kunsaanbiedings vir oud en jonk.
Bly ingeskakel op OFM vir die jongste Aardklop nuus en onderhoude met die kunstenaars in oploop tot die groot gebeurtenis.
Besoek aardklop.co.za vir als wat jy moet weet oor vanjaar se Aardklop kunstefees.