Voorsitter van die Private Rhino Owners Association, oftewel P.R.O.A, Pelham Jones, het aan Landbou.com gesê as privaat renostereienaars doen hulle alles in hul vermoë om hul groot renosterbevolking in privaat besit volhoubaar te benut, en dit voel of hul nêrens kom nie. Jones is veral gefrustreerd met die feit dat die Suid-Afrikaanse Regering nog geen besluit geneem het oor 'n voorstel vir wettige handel by volgende jaar se Cites-beraad nie.

Die parlement se portefeuljekomitee oor landbou, bosbou en visserye is deur die betrokke departement ingelig oor die uitbreking van siektes en peste, en watter uitwerking dit op dié sektore het. Maroela Media berig peste kan katastrofies vir oeste en uitvoer wees wat onderworpe is aan fitosanitêre maatreëls in die lande waar die uitvoer ontvang word. Verder kan dieresiektes soos bek-en-klouseer, voëlgriep, varkgriep en hondsdolheid vereis dat beheermaatreëls in werking gestel word, soos beperkings op die beweging van diere, kliniese waarneming en die inenting van diere. Die uitwerking kan gesien word in ? verlies aan produksie wat miljoene rande kan beloop, marktoegang en ? afname in verbruikersvertroue en boweal werkverlies.

EN

Wandile Sihlobo, 'n ekonoom en hoof van die Landboubesigheidskamer, Agbiz, se agribesigheid-navorsingsafdeling is as Landbouskrywers SA se Landbou-ekonoom van die Jaar aangewys. Dié jaarlikse geleentheid is Vrydag in Stellenbosch gehou.

OFM-nuus