Dit is beklemtoon tydens die seremonie van die Noordwes-Universiteit (NWU) se Institusionele Toekennings vir Onderrig-uitnemendheid (ITOU) wat op 20 April in Potchefstroom plaasgevind het.

Die jaarlikse gebeurtenis gee erkenning aan die beste dosente van die NWU. Hierdie jaar het die hoogste toekenning aan ’n dosent van die Potchefstroomkampus gegaan. Prof. Alfred Henrico van die Fakulteit Ekonomiese en Bestuurswetenskappe was die wenner in die Toekenning vir Uitsonderlike Onderrig-uitnemendheid- (TUOU-) kategorie.

“Ek voel geëerd en dankbaar teenoor die NWU vir die toekenning. Die NWU se ITOU-stelsel is uitstekend. Dit is nie alleen gerig op die beloning van uitnemende onderrig nie, maar ook op die ontwikkeling van dosente se onderrigvaardighede.” Alfred sê hy is ook dankbaar teenoor elke kollega en student by wie hy kon leer en wat hom in staat gestel het om in sy onderrigtaak te ontwikkel.” Hy sê sonder hulle was hierdie toekenning nie moontlik nie. Hy beskou die toekenning as beloning vir sy harde werk, sy fokus om 'n positiewe verskil in studente se lewens te maak en by te dra tot hulle ontwikkeling as die toekoms in Suid-Afrika.

Toekennings is in drie kategorieë gemaak, naamlik die Toekenning vir Opkomende Onderriguitnemendheid (TOOU), die Toekenning vir Onderriguitnemendheid (TOU) en die Toekenning vir Uitsonderlike Onderrig-uitnemendheid (TUOU).

Agt-en-veertig akademici het toekennings ontvang. Die fakulteit aan die NWU wat die meeste wenners opgelewer het, is die Fakulteit Geesteswetenskappe op die Vaaldriehoekkampus met agt wenners, gevolg deur die Potchefstroomkampus se Fakulteit Lettere en Wysbegeerte en Fakulteit Gesondheidswetenskappe wat gesamentlik in die tweede plek was met ses wenners elk. Die Fakulteit Teologie, ook aan die Potchefstroomkampus, was in die derde plek met vyf toekennings.

Die toekennings word gemaak om waardering te betuig teenoor dosente vir hulle verbintenis en toewyding tot studentesukses, en om akademici aan te moedig om op die gebied van onderrig en leer te ontwikkel.

Dit is die derde jaar dat die toekennings in hierdie kategorieë gemaak word. Die TOOU-toekennings beloon opkomende dosente vir uitnemende onderrig. Dit gee erkenning aan dosente wat ’n langtermynvisie vir hulle professionele en loopbaanontwikkeling toon deur hulle buitengewone en bewese prestasie tot innovering in onderrig en leer in hulle vakgebied.

Die TOU word toegeken aan dosente wat buitengewone en bewese prestasies in onderriguitnemendheid getoon het. Hulle gebruik innoverende benaderings om ’n leerproses te fasiliteer wat studente inspireer en uitdaag.

Die TUOU loof voortreflike vakkundiges vir leierskap en prestasie in die vakkundigheid van onderrig en leer. Uitnemendheid word onderskryf deur die TUOU as ’n besondere eerbewys binne die kategorie van die TOU toe te ken.

Om in aanmerking te kom vir die toekennings moet deelnemers aan ten minste 80% van die kriteria in die individuele kategorieë voldoen. Hulle moet ’n weldeurdagte portefeulje as bewys van hulle onderrig- en leer-aktiwiteite voorlê. Ten minste twee leergeleenthede word waargeneem, waarvan een onaangekondig is.

Daar word ook van deelnemers aan die TOU-toekennings verwag om aanbiedings by ’n jaarlikse kampus- of fakulteit-colloquium oor onderrig en leer te lewer.

Hulle portefeuljes word nagesien deur spanne of panele wat bestaan uit verteenwoordigers van Institusionele Akademiese Ontwikkelingsondersteuning (AOO) en AOO-adviseurs van die drie NWU-kampusse.

Die portefeuljes van die TUOU-wenners word intern en ekstern nagesien.

Prof Dan Kgwadi, visekanselier, sê die NWU is baie trots op die gehalte van sy akademici. “As gevolg van julle kan ons studente verseker dat hulle dosente van hoogstaande gehalte het.”

Die gasspreker by die geleentheid, dr Diane Parker, adjunkdirekteurgeneraal vir universiteitsonderrig van die Departement van Hoër Onderwys en Opleiding, het die NWU se akademici geloof vir die uitstekende werk wat hulle doen om leer te bevorder. “U toewyding aan uitnemendheid en innovering en die passie wat u in onderrig en leer toon, sal beslis tot die sukses van u studente bydra, en dit dien as inspirasie vir ons almal,” het sy gesê.

En die wenners is…

Toekenning vir Uitsonderlike Onderrig-uitnemendheid

Prof Alfred Henrico, Ekonomiese en Bestuurswetenskappe

Toekennings vir Onderrig-uitnemendheid

Dr Michelle Barnard, Regte

Dr Alwiena Blignaut, Gesondheidswetenskappe

Me Pia Bombardella, Lettere en Wysbegeerte

Prof Marianne Dircksen, Teologie

Dr Tiny du Toit, Natuurwetenskappe

Prof Jaco Fouché, Ekonomiese Wetenskappe en Inligtingstegnologie

Mr Nico Fourie, Ekonomiese en Bestuurswetenskappe

Prof Alfred Henrico, Ekonomiese en Bestuurswetenskappe

Prof Pierre Jordaan, Teologie

Dr Johanita Kirsten, Geesteswetenskappe

Dr Elbé Kloppers, Lettere en Wysbegeerte

Dr Herculene Kotzé, Lettere en Wysbegeerte

Dr Ruan Kruger, Gesondheidswetenskappe

Dr At Lamprecht, Teologie

Prof Marco Le Roux, Ingenieurswese

Dr Hein Lubbe, Regte

Dr Gisele Mah, Handel en Administrasie

Dr Munyaradzi Manjoro, Landbou, Wetenskap en Tegnologie

Dr Leon Moolman, Geesteswetenskappe

Me Kedumetse Motlhankane, Lettere en Wysbegeerte

Prof Wedzerai Musvoto, Handel en Administrasie

Dr Ilyayambwa Mwanawina, Geesteswetenskappe

Prof Mulunda Mwanza, Landbou, Wetenskap en Tegnologie

Me Adéle Naudé, Gesondheidswetenskappe

Me Lemar Olivier, Handel en Administrasie

Me Charté Pretorius, Lettere en Wysbegeerte

Prof Riaan Rheeder, Teologie

Me Tasleem Sayed, Gesondheidswetenskappe

Me Jeanette Sebaeng, Landbou, Wetenskap en Tegnologie

Me Karlien Smit, Gesondheidswetenskappe

Dr Sufran Smith, Gesondheidswetenskappe

Me Rolé van der Merwe, Ekonomiese en Bestuurswetenskappe

Mnr Christo van der Merwe, Ingenieurswese

Dr Karen van der Merwe, Geesteswetenskappe

Prof Hans van Deventer, Geesteswetenskappe

Dr Louis van Staden, Ekonomiese en Bestuurswetenskappe

Toekenning vir Opkomende Onderriguitnemendheid

Me Rochelle Botha, Geesteswetenskappe

Dr Steven Dunga, Ekonomiese Wetenskappe en Inligtingstegnologie

Dr Fazel Freeks, Teologie

Dr André Grobler, Ingenieurswese

Dr Phemelo Marumo, Geestes- en Sosiale Wetenskappe

Dr Nyambeni Matamela, Geestes- en Sosiale Wetenskappe

Me Chilombo Mbenga, Geestes- en Sosiale Wetenskappe

Me Anneke Moolman, Ekonomiese Wetenskappe en Inligtingstegnologie

Mnr Kolentino Mpeta, Handel en Administrasie

Dr Velaphi Nhlapo, Geesteswetenskappe

Me Antoinette Olivier, Lettere en Wysbegeerte

Dr Ella Wehrmeyer, Geesteswetenskappe

Verklaring verskaf