Local News
Brekende nuus: Petrus Molemela sterf─── CATHY DLODLO 10:34 Sun, 26 Mar 2017
Bloemfontein - Sokkerreus en bekende sakeman, dr. Rantlai Petrus Molemela, is vanoggend oorlede.
Molemela was die stigter van Bloemfontein Celtic Sokkerklub, wat beskou word as een van die klubs met die grootste ondersteuningsbasisse in die land.
Hy het meer as 'n dekade gelede afgetree toe die klub verkoop is. Molemela is egter as Celtic se lewenslange president verklaar. Geen verdere besonderhede is nog beskikbaar nie.
OFM-nuus het egter Molemela se dood met sy familie vanoggend bevestig. Hulle het aangedui dat 'n gedetailleerde persverklaring later vandag uitgereik sal word.
OFM-nuus