Local News
Noord-Kaapse grensposbeamptes vrygelaat─── CATHY DLODLO 10:19 Sat, 25 Mar 2017
Bloemfontein - Twee immigrasiebeamptes by die Vioolsdrift-grenspos tussen Suid-Afrika en Namibië, wat deur die Valke ondervra is oor bewerings van bedrog, is vrygelaat.
Dit nadat ‘n 46-jarige kollega van die beamptes gister in hegtenis geneem is vir dieselfde rede. Woordvoerder Philani Nkwalase sê die verdagte is vasgetrek ná ‘n ondersoek deur die Valke, wat deur die Departement van Binnelandse Sake gelas is.
Hy sê verskeie paspoorte van buitelanders is by die verdagte se woning gevind. Nkwalase sê die ondersoek het gevind dat paspoorte van buitelanders onwettig hernu word in ruil vir kontant of elektroniese betalings.
Dié beampte gaan na verwagting binnekort in die landdroshof op Springbok verskyn.
OFM-nuus
