Central SA
Vyf tydens swaar reën in ongeluk beseer─── 09:30 Sun, 10 Nov 2019
Vyf persone is gisteraand in ‘n ongeluk in Beefwoodweg in Vanderbijlpark, in die Vaaldriehoek beseer.
Dit, volgens ER24-woordvoerder, Ross Campbell, wat aan OFM-nuus verduidelik het dat 'n man - vermoedelik in sy laat 20's - en vier vroue tydens swaar reënval in ‘n botsing reg van voor beseer is.
Campbell sê ER24-paramedici het die vier vroue gevind waar hulle buite hul voertuig gestaan het, terwyl die man steeds in die bestuursitplek van sy ligte motorvoertuig vasgevang was.
Campbell het ook aan OFM-nuus gesê dat die presiese oorsaak van die ongeluk in dié stadium nog onbekend is.
OFM-nuus/Elsabé Richard