Central SA
Bloemfonteiners bekommerd oor halfweghuis vir voormalige gevangenes─── 16:29 Wed, 15 May 2019
Die Departement van Korrektiewe Dienste het inwoners van Universitas in Bloemfontein kennis gegee van die ontwikkeling van ‘n halfweghuis in Scholtzstraat vir gevangenes wat op parool vrygelaat is, maar geen ondersteuningstrukture het nie.
André Grobler, GPF-voorsitter van dié sektor, sê misdaadbekamping is hier reeds onder druk en onaanvaarbaar hoog. Talle inwoners is bekommerd oor dié halfweghuis omdat die gebied glo reeds deur misdaadelemente geteister word, wat veral op studente en bejaardes fokus. Daar is ook skole in die nabye omgewing.
Die departement nooi inwoners uit na ‘n inligtingsessie Woensdagmiddag net ná 17:00 in Scholtzstraat waar die saak volledig bespreek sal word.
OFM-nuus