Suid-Afrikaners was gelukkig genoeg om Saterdagoggend met betowerende kleure in die hemelruim begroet te word.

Die vreemde verskynsel, wat Aurora australis of suiderlig genoem owrd, het die donker hemelruim geverf met skakerings van blou, pers, groen en rooi.

The beautiful lights in the sky called auroras happen because of the solar storm. But remember, even though they look nice, the storm can cause problems like power outages and other issues. #aurora #AuroraBoreal #AuroraAustralis
pic.twitter.com/l0BSPUzdvX

— astrophilesz (@astrophilesz) May 12, 2024

Die Suid-Afrikaanse Nasionale Ruimte-agentskap (Sansa) verduidelik hoewel Suid-Afrika ver suid is, was die verskynsel meer sigbaar vir die planeet se noordelike inwoners.

Sansa verduidelik in ’n video dat die ruimteweer spruit uit sonvlamme, koronale massa-uitwerpings (CMEs), magnetiese storms en die vrystelling van miljoene deeltjies, straling en energie in die ruimte.

“Sonvlamme vind plaas wanneer gedraaide magneetveldlyne skielik breek, wat groot hoeveelhede elektromagnetiese energie vrystel. Sonstormdeeltjies kan die aarde binne 20 minute bereik, terwyl koronale massa-uitwerpings, ‘n groot wolk van gelaaide deeltjies, een tot vier dae neem.

“Wanneer so ’n uitwerping se magnetiese veld met die aarde se magnetiese veld meng, veroorsaak dit ’n tydelike versteuring wat ’n geomagnetiese storm genoem word.”

GM & GN! ??

The biggest aurora display that NZ has ever witnessed or in my lifetime anyways… thousand of images from a huge 48 hours of chasing the aurora australis!#aurora #AuroraAustralis #nz@TamithaSkov pic.twitter.com/nL95VNC2Y8

— LARRYN | Photographer (@shadowanshadenz) May 11, 2024

Sansa verduidelik hoewel die storm nie lewens benadeel nie – want die aarde word deur sy eie magneetveld teen sondeeltjies en strale beskerm – kan dit steeds satelliete, telekommunikasie en GPS-dienste ontwrig. Hierdie ontwrigting kan lei tot selfoon- en satelliet-TV-onderbrekings. In ernstige gevalle kan dit die kragnetwerk beskadig of lei tot of radio-onderbrekings.”

Die verskynsel is ook in onder meer Kleinbaai, Bloemfontein, Kuruman, Oudtshoorn, Gansbaai en Namibië aangemeld, sê Sansa.

OFM Nuus/Charne van der Merwe cg